उदयपुर / उदयपुरमा सर्पको टोकाईबाट १० वर्षे बालकको मृत्यु भएको छ । कटारी नगरपालिका–२ स्थित गरासका हंस बहादुर कार्कीका १० वर्षिय छोरा विक्रम कार्कीको सर्पको टोकाईबाट मृत्यु भएको छ ।
आइतबार राति करिव १२ बजेको समयमा घरै हजुर आमासंग सुतेको अवस्थामा बालकलाई सर्पले टोकेको थियो । सर्प खुट्टामा बेरेको देखेपछि बालकले झट्का हानेर छुटाएका थिए । सर्प घरभित्रै फेलापारी मारेपनि बालकले आफुलाई सर्पले नटोकेको बताएका थिए । केही समयपछि बालकले भोमिटिङ गर्न थालेपछि कटारी स्थित बेलस्रोत आर्मी क्याम्पको सर्प दंश उपचार केन्द्र्रमा उपचारमा पुर्याएको मृतकका काका मेघबहादुर कार्कीले बताए ।
उनका अनुसार सर्प दंश उपचार केन्द्रमा पनि दुई पटकसम्म भोमिटिङ गरेपछि एन्टी स्नेक भेन औषधि दिएको बताए । तर, जव सोमबार विहान ४ बजेको समयमा बोल्न नसक्ने घाटी च्यापेपछि उनलाई बालकलाई थप उपचारको लागि विपी कोइराला स्वास्थ्य विज्ञान प्रतिष्ठान धरान लैजाने क्रममाम बाटोमा मृत्यु भएको थियो । अस्पताल पुर्यार चेक जाँच गर्दा अस्पतालले आधा घण्टा अगाडी नै मृत्यु भएको घोषित गरेका थिए ।
